மாறிடுமோ!

ரசித்திடும் மழலை மொழியில்
வேதனை ஓலம்...
பசிக்குது காசு

யார்சொல்லிய பாடமோ!
பாட புத்தகம் சுமக்கும்
பிஞ்சு விரல்கள்...

யாசகத்திற்காக...
பாதங்களை பற்றுகிறது!

ஒடுங்கிய பாத்திரத்தில்
ஒடுங்கி விட்டது
இவர்களின் வாழ்வு!

பச்சை மண்கள்
பிச்சைக்காக கையேந்தும்
நிலை என்று மாறிடுமோ!

புதுமை காதல்!

வலையில் வலை விரித்து!
அகப்பட்ட அழகான காதல்!
இணையம் வளர்த்த இணையற்ற
இன்ப காதல்...
காண கண்கள் துடிக்கிறது!
கண்டதும் ஏமாற்றம்!
அழகற்ற முகங்கள்...
புஸ்ஸென்று ஆகிவிட்டது
புதுமை காதல்...!

நான் விரும்புவது உன் ஸ்பரிசமே!

உடல் சோர்வடைந்திடும்
தருணத்தில்...

உறவுகளின் ஏமாற்றத்
தருணத்தில்...

நட்பின் விரிசல்
தருணத்தில்...

தோல்விகளால் துவண்டிடும்
தருணத்தில்...

நான் விரும்புவது உன் ஸ்பரிஷமே!
அன்னையே!

துன்பமும் இன்பமே!

சிறையும் சுகம்தான்
உன் எண்ணச் சிறையில்
நான் அகப்பட்டால்...

நெருப்பும் பனிக்கட்டிதான்
உன் காதல் நெருப்பில்
நான் தீண்டப்பட்டால்...

சூறாவளியும் தென்றல்தான்
உன் காதல் சூறாவளியில்
நான் சிக்கிக்கொண்டால்...

கோடைக்காலமும் மழைகாலம்தான்
உன் காதல் மழையில்
நான் நனைந்திட்டால்...

பாலையும் சோலைதான்
உன் காதல் மலரில்
நான் பூத்திட்டால்...

விலகல்...

விலகி செல்கின்றன
விரும்பிய இதயங்கள்
அவளின் ஆடை
விலகாததால்..