Monday, April 4, 2011

ஆசை சுகமானது!

அத்தனைக்கும் ஆசைப்படு!
ஆசையே துன்பமென்று...
ஒவ்வொரு ஞானியிடமும்
ஒவ்வொரு வெளிப்பாடு!

ஏதேதோ ஆசைகள்...!
என் எண்ணமெங்கும்...
நிறைவேறிடுமோ! நிறைவேறிடாதோ!
நிறைகிறது மனமெங்கும் ஆசைகள்...

நிறைவேறினால் துள்ளல்...!
நிறைவேறாவிடில் கண்ணீர்!
கண்ணீர் ஆசைகளே! அதிகம்
காணும் கனவுகளிலெல்லாம்...

நிறைவேறுமோ! நிறைவேறாதோ!
ஆசைப்படுவது!
ஆசைக்கு உருகொடுப்பது!
ஆசையின் கண்ணீர்
அனைத்தும் சுகம் தான்...

ஆசையில்லா வெறுமை மனம்
ஒரு நிமிடத்தில் அற்றுவிடுகிறது!
ஆசையிலே நிறைகிறது மனம்...
ஆசை சுகமானது!

விலை!

விலை கொடுத்து
விலையாகிடும்
வினோத பொருள்
கல்யாண சந்தையில்
மணப்பெண்!